泥中珍珠浪浪寶寶

寶寶係舊年出露台睇風景嘅時候見到佢一個喺街道周圍走，初頭以為係附近一個工人姐姐帶住佢點知原來唔係佢周圍走當時好熱，就落樓帶咗佢返屋企見到佢成身啲毛打晒撠指甲長度彎晒入去。

當晚我哋幫佢沖咗三次水，啲水都係好污糟。

第日就帶咗佢去美容姨姨度剷晒所有毛等佢慢慢返出嚟，原來係靚女一個。

不過佢比較保護自己好聰明，知道你講乜嘢唔鍾意手指指，返屋企嘅時候身體有啲位唔摸得原來係唔舒服，一摸到分分鐘就咬你一啖，後來我哋帶佢睇醫生慢慢調理好佢身體就少咗唔舒服啦。

雖然佢咬咗我哋兩公婆幾次，本身我哋已經有五隻小朋友，但既然有緣遇到我哋都希望佢有一個家。

希望佢可以慢慢適應同我哋一齊生活！

拉票宣言

有緣相遇，希望藉住呢個活動記錄下來，請大家多多支持！

假如大家喺街度見到啲狗狗好無助嘅時候，幫助一下牠們，盡力而為。