浪浪的愛情故事

呢一個係浪浪貓爸貓媽媽嘅愛的故事我想同大家分享。

在年幾前我發現 屋企隔離條村裏面有好多浪貓 ，於是我就開始餵飼佢哋。 其中發現有隻灰色嘅貓公同埋一隻黃色嘅貓女佢哋兩個經常出雙入對感情非常之好。 即使隻灰色貓公被人捉咗去絕育剪咗耳朵，都無損佢哋感情。 而隻貓女就好醒目無法捉到佢。 所以這年幾裏面都睇住佢生咗起碼四胎貓貓。 而灰貓就成為爸爸幫黃貓媽湊BB。 貓媽呢係一隻好有責任感嘅媽媽。 佢將貓BB都照顧得好好同好保護佢哋。 唔容易讓人接近BB。貓BB亦都好醒目，一見到有危險就即刻躲藏。

有時見到佢一家四口瞓埋一齊真係好sweet。 最近兩個餵貓姨姨更幫佢哋起咗一間屋仔喺個草叢上面。 佢哋經常喺上面瞓覺， 更經常在屋頂曬太陽添。 見到佢哋一家樂也融融， 貓BB又好活潑。

不過前幾日星期日十號風球之後第二日，食環署過來拆咗佢哋個屋企，見到貓爸爸媽媽同埋BB走落地下周圍走。誰不知 第二日早上七點我發現貓媽媽在草叢上面死了。翻查隔離屋苑嘅閉路電視就發覺原來五點時分有四五隻狗走過來追貓。 貓媽媽為了保護貓B， 讓BB可以跑去旁邊嘅倉，於是就引開狗的視線，讓狗追自己上草叢，就這樣被咬死了。 到晚上餵貓姨姨見到貓爸爸傷心地坐在草叢毫無胃口。 到第二日胃口仍好差，一家就這樣被拆散，每位餵貓姨姨都傷心極了。

拉票宣言

我寫這個貓貓愛情故事是想讓更多人了解動物也有情。 希望更多人能夠給予動物更多幫助與尊重。如獲獎金會捐出作流浪動物醫療費。